嚟緊就準備踏入炎炎夏日，日日成三十幾度，人都熱到想剝皮，更何況係狗狗呢? 相信有好多主人都會趁住夏天陽光普照，帶埋屋企嘅毛孩s到戶外透透氣伸展下，大熱天時，游水正正係最佳選擇！狗狗游水有好多好處，除咗夏天消暑之外，亦可以比狗狗放下電、增強肌肉力量，仲可以出去同其他毛孩朋友一齊玩、一齊暢泳！
由於狗狗係唔可以進入康文署管轄嘅泳灘範圍，所以主人可以帶埋狗狗嚟玩獨木舟，一齊划去鄰近西貢外島的海灘：白沙洲、橋咀島等等，果到會有好大空間比狗狗們狂奔游水，相信狗狗們一定會玩得好開心呀！
不過玩還玩，帶狗狗去划獨木舟同游水都有好多需要注意事項，以下會同主人們分享幾個要點：
- 必備狗狗專用救生衣
雖然毛孩識得游水，但係都絕對唔可以高估佢地出到海嘅情況，救生衣嘅功用除咗提供浮力之外，仲有應付狗狗唔小心跌落海的突發情況，主人可以立即輕易拉番狗狗上艇！
- 唔好輕視喺海灘會發生嘅意外
部分海灘會有垃圾、蠔殼和玻璃碎片，有時難以避免會割傷狗狗嘅腳掌，所以一到達後，主人應該要先觀察附近有無較大型或明顯障礙物，確保安全後先比狗狗自由活動！
另外，唔少主人都會覺得狗狗係鍾意游水，但其實有啲狗狗係會怕水㗎，佢地需要更多時間去熟習水性，但係有時主人們好心急想狗狗克服心魔，強迫狗狗落水玩，佢地會因為受驚而不斷掙扎，喺狗狗掙扎期間，狗狗有機會嗆到飲咗海水，萬一入咗肺部的話就會好危險，嚴重可以引致肺炎！所以主人唔好忽視狗狗嘅特性，比佢地選擇想玩嘅活動，有時唔游水，同毛孩朋友喺岸邊玩水、奔跑都係放電嘅一種！
- 游水嘅時候要留意狗狗嘅身體變化
由於喺海灘游水會有機會令狗狗會飲咗海水落肚，主人們應該要留意住狗狗游水時或者游水後，身體有無變化，例如係肚脹脹、大小便唔正常、嘔吐或者無胃口食野，正常嚟講飲咗少少海水對健康唔會有太大影響的。
而且避免喺游緊水嘅時候，喂狗狗食野，會更大機會令佢地飲海水落肚，可以喺每特定游水時間後，喺岸邊比適當份量嘅零食狗狗作鼓勵。同埋海水有機會含有細菌同寄生蟲，游完水之後要儘快同狗狗沖涼呀！
帶狗狗出去玩水要注意嘅事真係不能盡錄，西貢划艇仔好歡迎主人們帶埋狗狗一齊嚟玩呀！如果主人們對帶狗狗划艇游水有任何嘅疑問，歡迎WhatsApp 53301304搵我地查詢更多啦！